The Herald
Pretoria. — Mudzimai wekurambana nemurume wake kwemakore masere akatadza kutaurira dare kuti ndiye akakodzera kuwana hafu yehomwe yepenjeni inodarika R1 miriyoni yaifanira kubhadharwa mushure mekufa kwemurume wake.
Vaviri ava vakaroorana in community of property asi vakarambana kubva muna 2002. Muna 2008, murume uyu akanogara nemumwe mukadzi kusvika afa mugore ra2010.
Akaita vana vaviri nemukadzi wake uye akazovadoma kuti vave vabatsiri vake. Akaburitsa pachena mudzimai wake muhomwe yepenjeni yake iyo yaive yakamira paR1 119 004.32 miriyoni. Aive nevamwe vana vatatu vakatsvagwa uye vakaonekwawo kuti vaive vakakodzera kubatsirikana.
Matrustees ehomwe iyi vakagovera mari pakati pemusikana wake nevana vake vashanu. Musikana akamira kuti agamuchire 28% yemari yacho.
Aodzwa mwoyo naikoku, mudzimai wacho akaenda kudare kuti risende parutivi chisarudzo chavatariri.
Aida kuti apihwe chikamu che28% uye awanewo 50% kubva kuhomwe yepenjeni sezvo aive akaroorwa mumubatanidzwa wemidziyo.
Mutongi wedare akapa mutongo achitsigira mudzimai ndokuendesa nyaya yacho kuvatarisiri nemirairidzo yokunzverazve kugoverwa kwebetsero ndokupa mudzimai mari yakanga yapiwa kumusikana wacho.
Musikana uyu, homwe yezvipo uye mutongi wehomwe yepenjeni vakakwidza mutongo uyu kuNorth Gauteng High Court muPretoria.
Mutongi Mandla Mbongwe akaona kuti dare rekare rakakanganisa mutongo waro ndokupa mutongo wakatsigira mudzimai.
Izvi zvaikonzerwa nekuti mabhenefiti erufu haasanganisirwe mudzimba uye mukwanyina anenge asara akanga asina kungoerekana awana hafu yemabhenefiti nokuda kwewanano mumubatanidzwa wemidziyo.
Mutongi Mbongwe akati kunyangwe zvazvo vakaroorana vachiwirirana pfuma, mudzimai uyu akasiya murume wake muna 2002 uye kubva ipapo pakanga pasina humbowo hunoratidza kuti airaramira kumurume wake.
Akati chikumbiro chemudzimai uyu chaifanira kurambwa kubva pakutanga sezvo kusave nemunhu wemari kwaimuremera zvikuru. – IOL