शुक्रबार दिउँसो मतदान सकिएपछि उपराष्ट्रपतिको निर्वाचनको मतगणना सुरु भएको हो ।
शुक्रबार बिहान १० बजेदेखि दिउँसो ३ बजेसम्म काठमाडौंको नयाँ बानेश्वरस्थित संघीय संसद भवनको ल्होत्से हलमा मतदान भएको थियो ।
निर्वाचनमा संघीय संसदका ३ सय ११ र प्रदेश सभाका ५ सय १८ गरी कुल ८ सय २९ सांसदले मतदान गरेका थिए ।
सभापति रामचन्द्र पौडेल, नेपाल मजदुर किसान पार्टीका सांसद प्रेम सुवाल, नेपाली कांग्रेसकी सांसद मनोरमा शेरचन र राष्ट्रिय प्रजातन्त्र पार्टीका १४ जना सांसदले मतदानमा भाग लिएका छैनन् ।
नेकपा (माओवादी केन्द्र)का सांसद वर्षमान पुन र नेपाली काँग्रेसका सांसद चन्द्र भण्डारी उपचाररत रहेकाले मतदान गर्न सकेनन् ।
नेकपा एमालेकी सांसद लक्ष्मी कोइरी फरार छन् भने जनता समाजवादी पार्टीकी सांसद शहनाज रहमानको फागुनमा निधन भएको छ ।
निर्वाचन आयोगले साँझ ६ बजेसम्म नतिजा घोषणा गर्ने तयारी गरेको छ ।
उपराष्ट्रपतिका लागि सत्तारुढ गठबन्धनका साझा उम्मेदवार जसपा नेता राम सहायप्रसाद यादव छन् भने एमालेले अष्टलक्ष्मी शाक्य र जनता पार्टीले ममता झालाई उम्मेदवार बनाएको छ ।
यादवलाई नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) र अन्य सत्तारुढ गठबन्धनले समर्थन गरेका छन् भने झालाई नागरिक उन्मुक्ति पार्टी, लोकतान्त्रिक समाजवादी पार्टी र राष्ट्रिय स्वतन्त्र पार्टीले समर्थन गरेका छन् ।
प्रतिनिधिसभा सदस्य र राष्ट्रिय सभाका ५९ सदस्यसहित संघीय सांसदलाई प्रत्येक मतका लागि ७९ र प्रदेश सांसदलाई ४८ मतको भार दिइएको छ ।
प्रत्येक संघीय सांसदको तौल देशको कुल जनसङ्ख्या (२०११ को जनगणना अनुसार) कुल सांसद संख्या (३३४) ले भाग गरेर र त्यो संख्यालाई १,००० ले भाग गरेर गणना गरिन्छ।
प्रत्येक प्रादेशिक सांसदको तौल पनि त्यस्तै गरी संघीय सांसदको कुल संख्यालाई प्रादेशिक सांसदको (५५०) सट्टामा गणना गरिन्छ।
उपराष्ट्रपतिको निर्वाचनमा संघीय सांसदको २६ हजार ३०७ र प्रदेश सांसदको २६ हजार ४ सय गरी कुल ५२ हजार ७०७ मत परेको छ । २६ हजार ३ सय ५४ मत प्राप्त गर्ने उम्मेदवार उपाध्यक्षमा निर्वाचित भएका छन् ।
निर्वाचनमा कुनै पनि उम्मेदवारले बहुमत ल्याउन सकेन भने शीर्ष दुई उम्मेदवारहरूबीच दोस्रो चरणको निर्वाचन हुन्छ ।